នាព្រឹកថ្ងៃអង្គារ ទី០២ ខែកញ្ញា ឆ្នាំ២០២៥ គណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្មនៃព្រឹទ្ធសភា (គណៈកម្មការទី២) ដឹកនាំដោយ ឯកឧត្តម យស ផានីត្តា ប្រធានគណៈកម្មការទី២ព្រឹទ្ធសភា បានអញ្ជើញជួបពិភាក្សាការងារជាមួយថ្នាក់ដឹកនាំអគ្គនាយកដ្ឋានពន្ធដារ ដឹកនាំដោយឯកឧត្តម គង់ វិបុល រដ្ឋមន្រ្តីប្រតិភូអមនាយករដ្ឋមន្ត្រី ប្រតិភូរាជរដ្ឋាភិបាល ទទួលបន្ទុកជាអគ្គនាយកនៃអគ្គនាយកដ្ឋានពន្ធដារ ដើម្បីស្វែងយល់អំពីវឌ្ឍនភាពការងាររបស់អគ្គនាយកដ្ឋានពន្ធដារ ចក្ខុវិស័យ ផែនការយុទ្ធ សាស្រ្ត ការប្រមូលពន្ធ និងបញ្ហាប្រឈមនានា ជាពិសេសបង្កើនកិច្ចសហការឱ្យកាន់តែល្អប្រសើរឡើង រវាងគណៈកម្មការទី២ ព្រឹទ្ធសភា និងអគ្គនាយកដ្ឋានពន្ធដារ នៅអគារអគ្គនាយកដ្ឋានពន្ធដារ (GDT Tax Tower) ស្ថិតក្នុងខណ្ឌជ្រោយចង្វារ រាជធានីភ្នំពេញ។

ប្រភព៖ នាយកដ្ឋានព័ត៌មាន